Safar ki had hain wahan tak

Safar ki had hain wahan tak ke kuch nishan rahe
Chale chalo ke jahan tak ye asman rahe

Ye kya uthaye kadam aur aa gai manzil
Maza to jab hain ke pairon may kuch thakan rahe

Wo shakhs mujh ko koi jalsaz lagata hain
Tum us ko dost samajhate ho phir bhi dhyan rahe

Mujhe zamin ki geharaion ne dab liya
Main chahata tha mere sar pe aasman rahe

Ab apane bich marasim nahi adawat hai
Magar ye bat hamare hi darmiyan rahe

 sitaron ki faslen uga saka na koi
Meri zamin pe kitane hi asman rahe

Wo ek sawal hain phir us ka samana hoga
Dua karo ke salamat meri zaban rahe